ارحم عيون الخلق.........

مساء الخير للكل
اتمنى تعجبكم قصيدتي:

ممكن تطالعني حبيبي دقيقه
ودي اقول اني احب كل مافيك
من قامتك ليما العروق الدقيقه
والحاجبين اللي حلاهم مشابيك
مبسمك شب في خفوقي حريقه
اكسب اجر وارحم مخاليق ترجيك
وخنجرك ينحر قلبي ثم (ن) يفيقه
تنحر ويبقى خافقي مبتلش فيك
وذاك الجبين اللي ذبحني بريقه
ودي من عيون البشر بي اخبيك
مدري احاتي هم قلبي وضيقه
مدري احاتي زين وصفك واحاتيك
يابعد عيني وبعد روحي الشفيقه
ارحم عيون الخلق ليناظرت فيك
يانت الغلا يانت الولع والحقيقه
عجزت انا اعرف كم هي اساميك
خليتني انبش مشاعر عتيقه
واجبرتني اعلن مشاعر تناديك
لو جيت لي في كل يوم (ن) دقيقه
ماكان عرفو كم انا ذايبه فيك

اخوكم : القلم الحر